Ҳазор сомонӣ барои маводи журналистӣ

Ҳисор, 24.06.16. /АМИТ «Ховар»/. Дар ҳудуди шаҳри Ҳисор бо мақсади истиқболи арзанда аз 25-умин солгарди Истиқлолияти давлатии Чумҳурии Тоҷикистон озмуни шаҳрии беҳтарин маводи журналистӣ таҳти унвони «Каломи ободкорӣ» идома дорад. Дар озмун рӯзноманигорони расонаҳои ахбори маҳаллӣ, инчунин журналистоне, ки ҷабҳаҳои гуногуни шаҳри Ҳисорро дар расонаҳои хабарии ҷумҳуриявӣ инъикос менамоянд, иштирок карда метавонанд.
Мақсади асосии озмун таъмини ҳамкории мутақобилан судманди Мақомоти иҷроияи ҳокимияти давлатӣ ва ниҳодҳои дахлдори он бо сохторҳои воситаҳои ахбори омма, тарғиби расму оин ва арзишҳои миллӣ, саҳм гузоштан дар рушди иқтисодию иҷтимоии шаҳри Ҳисор аст.
Мавриди зикр аст, ки Мақомоти иҷроияи ҳокимияти давлатии шаҳри Ҳисор заҳматҳои фидокоронаи рӯзноманигоронро доимо қадр менамояд.
Аз ҷумла, дар Рӯзи матбуоти соли равон  ба як идда рӯзноманигорони варзида планшет ва дигар туҳфаҳои хотирмон тақдим намуда буд.