Ба имзо расидани санади ҳамкорӣ байни Тоҷикистон ва Русия
Душанбе, 24.06.2016 /АМИТ «Ховар»/. Дар Душанбе байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Ҷамъияти саҳомии кушодаи /ҶСК/ «Федеральный центр проектного финансирования» /»Маркази федеролии лоиҳаҳои молиявӣ»/-и Русия Ёддошти тафоҳум оид ба ҳамкорӣ дар соҳаи шарикии давлат ва бахши хусусӣ ба имзо расонида шуд.
Ҳадафи асосии ин санад ба роҳ мондани ҳамкорӣ, татбиқи лоиҳаҳо дар самти шарикии давлат ва бахши хусусӣ, инчунин табодули таҷриба байни муассисаи давлатии «Маркази татбиқи лоиҳаҳои шарикии давлат ва бахши хусусӣ»- и Кумитаи давлатии сармоягузорӣ ва идораи амволи ҷумҳурӣ ва ҶСК «Федеральный центр проектного финансирования»-и Русия арзёбӣ мегардад. Ёддошти тафоҳумро аз ҷониби Тоҷикистон Қодири Қосим-раиси Кумитаи давлатии сармоягузорӣ ва идораи амволи Ҷумҳурии Тоҷикистон ва аз ҷониби Русия Михаил Девятов, мудири кулли ҶСК «Федеральный центр проектного финансирования»-и Русия имзо гузоштанд.
Мавриди зикр аст, ки ҶСК «Федеральный центр проектного финансирования»-и Русия дар бахшҳои шарикии давлат ва хусусӣ таҷрибаи калон дошта, дар ин самт лоиҳаҳои зиёдеро дар ҳудуди Русия ва кишварҳои Осиёи Марказӣ ва қораи Африқо амалӣ намудааст.
Ба имзо расонидани санади мазкур дар рушди шарикии давлат ва бахши хусусии Ҷумҳурии Тоҷикистон таъсири мусбат расонида, барои ҳамкории муфид дар татбиқи лоиҳаҳои муштарак замина мегузорад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
