Дар ғарби Қазоқистон зимни амалиёти махсус се террорист дастгир шуданд

Душанбе, 13.06.2016 /АМИТ «Ховар»/. Се террористе, ки мавриди кофтуков қарор доштанд, зимни амалиёти махсус дар Актобе дастгир шуданд.  Дар ин бора Маркази зиддитеррористии Қазоқистон хабар дод.
Ба ситод оид ба мубориза бо терроризм дар бораи макони эҳтимолии ҷинояткорони боқимонда маълумот ворид шуд, ки ҳангоми санҷиш он тасдиқи худро ёфт. Неруҳои амниятӣ се нафарро дастгир карданд, ки зимни фирор яке аз онҳо ҷароҳат бардошт. Аз террористон ду адад силоҳи аз мағозаи «Паллада» дуздидашуда мусодира гардид.
5 июн ҷинояткорон ба ду мағозаи фурӯши силоҳ ва қисми ҳарбӣ ҳамла оварданд.  Дар натиҷа 7 нафар, аз ҷумла  сокинони осоишта ва ходимони ҳарбӣ ҳалок гардида, 13 ҷинояткор нобуд карда шуданд. Дар ин кишвар сатҳи миёнаи таҳдиди террористӣ- «зард» ба муҳлати 40 рӯз ҷорӣ шудааст.
Баъдан, рӯзи 10 июн зимни амалиёти зиддитеррористӣ дар шаҳри Актобе 5 ифротгароӣ дигар нобуд карда шуданд.