Дар Китобхонаи миллии Тоҷикистон семинари илмӣ-таълимии «Нури Ваҳдат» доир гардид

Душанбе, 20.06.2016. /АМИТ «Ховар»/. 18-уми июн дар Китобхонаи миллии Тоҷикистон бо ширкати ҷамъе аз шахсиятҳои маъруф ва пажӯҳишгарон семинари илмӣ-таълимии «Нури ваҳдат» баргузор шуд. Салима Раҷабова, ҷонишини директори китобхона аз силсилачорабиниҳои ин боргоҳи маърифат бахшида ба рӯзи Ваҳдати миллӣ ёд карда, гуфт, ки ёди он рӯзҳое, ки миллатро ба вартаи ҳалокат мебурданд, вале бо азхудгузаштагиҳои фарзандони фарзонаи он, ба вижа Асосгузори сулҳу Ваҳдати миллӣ, Пешвои миллат Президенти Тоҷикистон муҳтарам Эмомалӣ Раҳмон, ки  бо имзои паймони сулҳ онро наҷот бахшид, хеле муҳим аст.
Шоири халқии Тоҷикистон, барандаи Ҷоизаи давлатии ба номи Рўдакӣ  Аскар Ҳаким  шеъҳои тозаи худро дар васфи Ватан, Миллат, Ваҳдат, баҳор ва ишқ қироат намуда, ҳозиринро бо фаро расидани ин рӯзи сарнавиштсоз муборакбод гуфт.
Дар семинар беш аз 60 нафар  кормандони Китобхонаи миллии Точикистон ва аспирантону  унвонҷўёни Академияи илмҳои Ҷумҳурии Точикистон ширкат варзида, атрофи мавзӯъ табодули афкор намуданд.