Дастаи мунтахаби Испания ба бозиҳои плей-офф роҳхат гирифт

Июнь 18, 2016 12:06

Душанбе, 18.06.2016 /АМИТ «Ховар»/. Дастаи мунтахаби Испания дар бозии даври дуввуми гурӯҳи «D»-и бозиҳои ниҳоии Чемпионати Аврупо мунтахаби Туркияро бо натиҷаи 3:0 шикаст дода, ба бозиҳои пелей-офф роҳхат гирифт. Шогирдони Висенте Дел Боске  дар тамоми рафти бозӣ дар варзишгоҳи «Стад-де-Нис» ба футболбозони турк имкон надоданд, ки ба сӯи дарвозаи Де Хеа зарбае зананд ва ё вазъияти голзаниро ба вуҷуд оранд. Дар натиҷа Мората(34,48) ва Нолито(37) дарвозабони мунтахаби Туркия Бобоҷонро маҷбур карданд, ки тӯбро аз дарвозааш гирад.
Дар бозии дигари рӯз сабқати дастаҳои ҳамсоякишвар Чехия ва Хорватия аз ин гурӯҳ натиҷаи мусовиро ба бор овард. Хорватҳо, ки то дақиқаи 76 бо ҳисоби 2:0 дар сафи пеш буданд, то ба анҷом ин бартарии худро нигоҳ дошта натавонистанд ва вохӯрӣ бо натиҷаи сулҳомези 2:2 ба поён расид. Перишич(37) ва Ракитич(59) аз Хорватия ва Шкода(76) бо Нетсид(89, пеналти) аз Чехия муаллифи голҳо шуданд.
Мухлисони тими мунтахаби Хорватия дар ҷараёни вохӯрӣ ба бетартибиҳо даст зада, оташи тарфро ба майдон партофтанд ва қариб буд, ки он боиси манъ шудани вохӯрӣ гардад. Аз тарафи дигар занозании байни мухлисон дар қисмати нишҳастгоҳҳои мухлисони Хорватия сар зад. Ба ин нигоҳ накарда вохӯрӣ то ба анҷом идома ёфт  ва дар ин масъала Кумитаи одоби УЭФА қазияи худро ба тасвиб хоҳад расонд.
Дастаи мунтахаби Италия низ пеш аз мӯҳлат баъди пирӯзиаш бар дастаи мунтахаби Шветсия(1:0) аз гурӯҳи «Е» ба бозиҳои плей-оф роҳ ёфт.
Ҳамин тавр новобаста ба бозиҳои даври сеюм дастаҳои мунтахаби Фаронса, Испания ва Италия муборизаро барои Ҷоми Аврупо-2016 дар марҳалаи 1/8 ниҳоӣ идома медиҳанд. Имрӯз Белгия бо Ирландия, Исландия бо Маҷористон ва Португалия бо Австрия дар идомаи бозиҳои даври дуввум вориди майдон мешаванд.

Июнь 18, 2016 12:06

Хабарҳои дигари ин бахш

Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд