Семинар: «Назорати марбут ба хавф»
Душанбе, 03.06.2016. /АМИТ «Ховар»/. Пажӯҳишгоҳи илмӣ-тадқиқотӣ ва бозомӯзии кормандони Бонки миллии Тоҷикистон дар доираи барномаи таълимӣ барои соли 2016 бо иштироки намояндагони Маркази ҳамкории техникии Дойч Бундесбонк (Олмон) бо бонкҳои марказӣ дар Бонки миллии Тоҷикистон барои мутахассисони дастгоҳи марказӣ ва шуъбаҳои минтақавии БМТ дар мавзӯи «Назорати марбут ба хавф» семинари cерӯза гузаронд.
Мутахассисони Маркази ҳамкории техникии Дойч Бундесбонк бо бонкҳои марказӣ Йорн Флеглер ва Мартин Фрей дар бораи тартиби дохилии баҳодиҳӣ ба сармоя (ICAAP ва SREP) дар фаъолияти мақомоти назоратӣ, тартиби додани иҷозатнома барои хизматрасониҳои молиявӣ, баҳодиҳӣ дар назорат, назорати сармоя, таҳлили шаклҳои баҳодиҳии хавфҳо, воридоти сармояи иловагӣ ва кам кардани хавфҳо, фишор-санҷиш ҳамчун қисми таркибии низоми идоракунии хавфҳои бонкӣ дарсҳои таълимӣ гузарониданд.
Дар баробари ин, иштирокдорони семинар оид ба талаботи барномаҳои Базел II ва Базел III маълумоти умумӣ дастрас намуданд.
Тавре ки аз хадамоти матбуотии БМТ иттилоъ доданд, ҳадаф аз баргузории семинари мазкур баланд бардоштани донишу малакаи кории мутахассисони Бонки миллии Тоҷикистон ва омӯхтани таҷрибаи пешқадами бонкҳои марказии кишварҳои Аврупо, аз ҷумла Ҷумҳурии Федеролии Олмон ба ҳисоб меравад.
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар баъзе ноҳияҳои Тоҷикистон барф меборад
Дар шаҳри Норак барои ҳифзи тартиботи ҷамъиятӣ санҷишҳои шабона гузаронида шуданд
Имрӯз дар Тоҷикистон ҳавои тағйирёбанда пешгӯӣ мешавад
МАСЛИҲАТИ МУТАХАССИС. Боғпарварон бояд аз рӯзҳои сард ва бориши барф самаранок истифода намоянд
Имрӯз дар Тоҷикистон туман мефарояд
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
