Тоҷирони тоҷику рус роҳҳои беҳтар намудани ҳамкориро баррасӣ намуданд
Душанбе, 21.06.16. /АМИТ «Ховар»/. Раиси вилояти Суғд Абдураҳмон Қодирӣ ҳайати роҳбарони ширкатҳо ва соҳибкоронро, ки зери роҳбарии намояндаи тиҷоратии Федератсияи Русия дар Тоҷикистон Михаил Кораблин бо мақсади иштирок дар Ярмаркаи байналмилалии тиҷорат «Суғд-2016» ба вилоят ташриф овардаанд, ба ҳузур пазируфт.
Тавре ки ба АМИТ «Ховар» аз хадамоти матбуоти раиси вилояти Суғд хабар доданд, дар мулоқот масоили рушди ҳамкории тарафайн дар самти савдо ва тиҷорат мавриди баррасӣ қарор гирифт. Зикр гардид, ки Тоҷикистон дорои табиати нотакрор буда, анвои зиёди меваҷоти боғпарварони тоҷик дар Русия харидорони худро доранд.
Дар аснои суҳбат роҳбари ҳайати меҳмонон Михаил Кораблин изҳор дошт, ки соҳибкорони рус хостори бештари тақвияти ҳамкорӣ дар самти харидории меваю полезиҳои деҳқонони тоҷик ҳастанд.
Раиси вилоят зикр сохт, ки вилояти Суғд ҳавасманди устувор намудани мавқеи худ дар бозорҳои Русия аст. Аз доираҳои тиҷоратии Русия даъват ба амал оварда шуд, ки дар самти ташкили корхонаҳои муштарак низ фаъол бошанд.
Пас аз анҷоми мулоқот дар Қасри варзиши шаҳри Хуҷанд бо иштироки меҳмонон ҳамоиши соҳибкорони ду кишвар баргузор шуд. Тоҷирони тоҷику рус роҳҳои беҳтар намудани ҳамкориро дар ин ҳамоиш баррасӣ намуданд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
