Ваҳдати миллӣ барои тоҷикон асоси ифтихори ватандорист

Июнь 24, 2016 15:40

Душанбе, 24.06.2016 /АМИТ «Ховар»/. Ба муносибати 19-умин солгарди ба имзо расидани Созишномаи истиқрори сулҳ ва ризоияти миллӣ имрӯз дар Донишкадаи молия ва иқтисоди Тоҷикистон ҷамъомади тантанавӣ баргузор шуд.
Муовини ректор оид ба таълим Шукрулло Хайров дар бораи моҳияту аҳамияти ваҳдати миллӣ барои мардуми тоҷик гуфт, ки маҳз ваҳдати миллӣ имкон дод Истиқлолияти давлатии Ҷумҳурии Тоҷикистон устувортар гардад ва халқ ба ояндаи хеш боварӣ пайдо кунад. Бо шарофати ваҳдати миллӣ кишвари мо тавонист ба марҳилаи нави давлатдории миллӣ қадамҳои устувор гузорад ва он асоси бозсозӣ, рушди иқтисодӣ ва таъмини суботи сиёсии кишвар мебошад.
-Имрӯзҳо рисолати ҳар яки мо- ин аз таърих сабақ гирифтан ва бо фаъолияти густурда ва амалу корҳои шоиста таҳким бахшидани ин неъмати бебаҳост,- гуфт Ш.Хайров.
Узви Ҳаракати ваҳдати миллӣ ва эҳёи Тоҷикистон Саид Ахмедов дар бораи мафҳуми ваҳдати миллӣ ва моҳияти он иброз дошт, ки ваҳдат танҳо  шиор нест, балки он уфуқест, ки миллатро ба сӯи худ даъват менамояд. Арзишҳои миллӣ ва забон унсурҳои асосии ваҳдати миллиро ташкил медиҳанд. Агар ҳар як нафар арзишҳои миллиро муқаддас донад, бешубҳа, ваҳдати миллӣ таҳким меёбад ва ягон омили беруна, аз ҷумла ҷаҳонишавӣ ба он таъсир расонда наметавонад.

Июнь 24, 2016 15:40

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд