30 ҷои корӣ дар Чойхонаи «Бӯстон» фароҳам омад

Душанбе, 07.07.2016. /АМИТ «Ховар»/. Имрӯзҳо бахшида ба таҷлили 25-солагии Истиқлолияти давлатии Ҷумҳурии Тоҷикистон ва 60-солагии шаҳри Бӯстон барои бунёди марказҳои фароғатӣ ва муассисаҳои хизматрасонӣ иқдомҳои судманд роҳандозӣ гардида, ифтитоҳи муассисаҳои таъиноти гуногун ба роҳ монда шуда истодааст.
Чанде пеш дар  шаҳри Бӯстон Чойхонаи миллии муосири «Бӯстон» ба фаъолият шурӯъ намуд, ки дар бинои он дар баробари чойхона, дигар марказҳои хизматрасонӣ низ мавҷуд буда, дар як вақт ба аҳолӣ хизмат мерасонанд.
Ба иттилои мақомоти иҷроияи ҳокимиятии давлатии шаҳр, ин иншооти замонавӣ бо харҷи зиёда  аз 245 ҳазор сомонӣ бунёд гардида, дорои 30 ҷои корӣ мебошад.