Аз ҷониби Маркази шоҳ Салмон барои расондани кумакҳои башардӯстона ба Тоҷикистон ҷудо намудани 10 миллион доллари амрикоӣ пешбинӣ шудааст
Душанбе, 27.07.2016. /АМИТ «Ховар»/. Имрӯз Сафири фавқулода ва мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ бо мудири иҷроияи Маркази шоҳ Салмон доир ба кумакҳо ва фаъолияти башардӯстона Моҳир Абдурраҳмон ал-Хадровӣ мулоқот намуд.
Дар вохӯрӣ масоили вобаста ба кумакҳои башардӯстона ба Тоҷикистон барои рафъи оқибатҳои офатҳои табиӣ, мустаҳкамсозии соҳилҳои осебпазири рӯду дарёҳо, захираи маводи зарурӣ барои кумакҳои аввалия ба мардуми аз обхезию зилзила ва дигар офатҳои табиию техногенӣ зарардида баррасӣ шуд.
Зикр гардид, ки дар марҳилаи аввали ҳамкорӣ аз ҷониби маркази мазкур барои расондани кумакҳои башардӯстона ба Тоҷикистон ҷудо намудани 10 миллион доллари амрикоӣ пешбинӣ шудааст.
Масъулини Маркази шоҳ Салмон доир ба кумакҳо ва фаъолияти башардӯстона изҳор доштанд, ки омодаанд барои таҳким ва густариши ҳамкорӣ бо тамоми сохторҳои давлатию ҷамъиятии Шоҳигарии Арабистони Саудӣ ба сафорати Тоҷикистон ҳамаҷониба мусоидат намоянд.
Гуфтугӯи судманд ҳамчунин доир ба роҳандозии ҳамкорӣ барои ҳалли мушкилоти обрасонӣ ба аҳолӣ, дастрасӣ ба хадамоти босифати тиббию санитарӣ, пешгирӣ ва табобати бемориҳои сироятӣ ва дигар самтҳои фаъолият сурат гирифт.
Ҳарду ҷониб ба густариши соҳаҳои ҳамкорӣ ва афзун намудани ҳаҷми кумаку мусоидатҳои башардӯстона ба Тоҷикистон омодагии худро таъкид доштанд.
Ҳамкорӣ байни Маҷлиси намояндагони Маҷлиси Олии Тоҷикистон ва Конгресси Иёлоти Муттаҳидаи Амрико баррасӣ шуд
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
Сафири Тоҷикистон бо намояндаи фраксияи CDU/CSU дар Бундестаги Олмон мулоқот намуд
Ҳамкории Тоҷикистон ва Туркия дар бахши сармоягузорӣ баррасӣ гардид
Сафири Тоҷикистон бо роҳбарияти Созмони ҷаҳонии об (GWO) мулоқот намуд
Ҳамкории Тоҷикистон бо Дафтари СММ оид ба коҳиши хатари офатҳо баррасӣ гардид
Сафири Тоҷикистон бо Раиси Жогорку Кенеши Ҷумҳурии Қирғизистон мулоқот намуд
Серҷио Гор: «Доналд Трамп саҳми Президенти Тоҷикистон Эмомалӣ Раҳмонро дар таъмини субот дар Тоҷикистон ва минтақа баланд арзёбӣ менамояд»
Ҳайати Мақомоти иҷроияи ҳокимияти давлатии шаҳри Душанбе ба Подшоҳии Белгия сафар намуданд
