Дар Душанбе муаррифии либоси ягонаи варзишгарони тоҷик барои иштирок дар Бозиҳои тобистонаи олимпӣ баргузор мегардад

Душанбе, 21.07.2016. /АМИТ «Ховар»/. Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон либоси ягонаи тими миллии кишвар дар Бозиҳои тобистонаи олимпиро муаррифӣ мекунад.
Тавре аз ин ниҳод хабар доданд, расми муарифии либоси варзишгарон шанбеи 23 июл дар бинои Кумита баргузор мешавад.
Тоҷикистонро дар Бозиҳои XXXI-уми тобистонаи олимпии Рио-де-Женейро-2016, 7 варзишгар Дилшод Назаров (гурзандоз), Комроншоҳи Устопириён, Муҳаммадмурод Абдураҳмонов (дзю-до), Анвар Юнусов (муштзан), Анастасия Тюрина, Олим Қурбонов (шиноварӣ) ва Кристина Пронженко (дав) намояндагӣ мекунанд.
Ёдовар мешавем, ки чанде пеш Дилшод Назаров, варзишгари машҳури тоҷик, парчамбардори Тоҷикистон дар маросими ифтитоҳи Бозиҳои XXXI тобистонаи олимпӣ дар Рио-де-Жанейрои Бразилия интихоб шуд.