Дастаи мунтахаби наврасони Тоҷикистон (U-16) ба Чин сафар кард

Душанбе, 11.07.2016 /АМИТ «Ховар»/. Тими мунтахаби наврасони Тоҷикистон барои ширкат дар мусобиқаи байналмилалии «Роҳи абрешим-Хуашан-2016» субҳи дирӯз ба Чин парвоз кард. Ин сабқат аз 11 то 15 июл дар шаҳри Вайнан доир мегардад.
Барои ширкат дар ин мусобиқа сармураббии даста Зайниддин Раҳимов 18 бозингарро бо худ бурд:
Дарвозабонҳо: Хисрав Раҳимов («Саройкамар»), Далер Азизов («Барқчӣ»);
Муҳофизатгарон: Ваҳдат Ханонов, Ҳувайдо Малиев, Султоншо Мирзоев, Исломиддин Ғоибов, Манучеҳр Сафаров (ҳама аз «Помир»), Амир Иброҳимов («Хуҷанд»);
Нимҳимоятгарон: Саидмухтор Азимов, Шервони Мабатшоев, Фаридун Неъматов, Искандар Солиев, Шаҳзод Давлатов, Шарифҷон Ҷамолов ( «Помир»);
Ҳамлагарон: Аваз Қамчинов («Равшан»), Мубинҷон Мӯминов («Хуҷанд»), Далер Ёдгоров, Тоҳир Малодӯстов («Помир»).
Футболбозони тоҷик дар силсилаи рақобатҳо бо тимҳои мунтахаби наврасони Кореяи Ҷанубӣ (11 июл), Туркманистон (13 июл) ва Чин (15 июл) вориди майдон мешаванд. Вохӯриҳо ба таври даврӣ сурат мегиранд.