Дуздии 7 ҳазор сомонӣ аз мағоза аз ҷониби як зани 35-сола
![](https://khovar.tj/wp-content/uploads/2016/06/logo_khovar_tj.png)
Душанбе, 18.07.2016. /АМИТ «Ховар»/. Ба мақомоти милитсия хабар расида буд, ки 11-уми июл шахси номаълум бо роҳи пинҳонӣ аз дохили мағозаи «Мубина», воқеъ дар кӯчаи М.Турсунзодаи шаҳри Душанбе, ки ба соҳибкор, зани 49-солаи сокини шаҳри Душанбе тааллуқ дорад, маблағи пулии нақд 7000 сомониро дуздидааст.
Ҳангоми гузаронидани чорабиниҳои фаврӣ-ҷустуҷӯӣ барои даст доштан дар ҷинояти дуздӣ зани 35-солаи сокини шаҳри Душанбе дастгир карда шуд.
Аз рӯи ҳодисаи мазкур парвандаи ҷиноятӣ оғоз гардида, тафтишот давом дорад.