Холбибӣ Ҳасанова, муовини директори Агентии бо кортаъминкунӣ дар хориҷа: «Фаъолияти муҳоҷирони меҳнатӣ дар асоси шартнома кафолати бехатарии онҳост»

Июль 18, 2016 18:00

Душанбе, 18.07.2016 /АМИТ «Ховар»/.  Соли 2014 бо мақсади ба танзим даровардани раванди муҳоҷират, ба таври муташаккилона ва расман  сафарбар кардани муҳоҷирони меҳнатӣ  ба хориҷи кишвар  дар  Вазорати меҳнат, муҳоҷират ва шуғли аҳолии Ҷумҳурии Тоҷикистон  Агентии бо кортаъминкунӣ дар хориҷа таъсис гардид. Дар суҳбат бо хабарнигори  АМИТ  «Ховар»  Холбибӣ Ҳасанова, муовини директори агентии мазкур    фаъолияти корхонаро шарҳ дода,  зикр намуд: ки: «Агентӣ то имрӯз 278  шаҳрванди Ҷумҳурии Тоҷикистонро бо ихтисосҳои гуногун дар хориҷи кишвар  ва  зиёда аз 100  нафарро, ки вурудашон ба Федератсияи Русия манъ  гардида буд, дар Ҷумҳурии Қазоқистон бо ҷойи кор таъмин намуд».
Муассиса бо 18 ширкати хориҷӣ созишномаи ҳамкорӣ дошта, тавассути Агентии мо  ба муҳоҷирати меҳнатӣ рафтан барои шаҳрвандон аз чанд ҷиҳат манфиатовар аст. Асосаш он аст, ки  муҳоҷирони меҳнатӣ  бо ҷойи хобу  кори доимӣ таъмин гардида,  дар асоси шартнома ба фаъолият шурӯъ менамоянд, ки ба  ҳифзи  ҳуқуқҳои меҳнатиашон аз ҷониби корфармо кафолат дода шуда, ба ин васила  амнияти онҳо  таъмин мегардад.
Дархости корфармоён  аз Федератсияи Русия ва   Ҷумҳурии Қазоқистон  асосан ба  кадрҳои бинокор ва соҳаи хоҷагии қишлоқ  зиёд аст. Имрӯз  ҳамкории мо дар ин самт  бо Ҷумҳурии Қазоқистон, ки  ба кадрҳои бинокор ниёз дорад, густариш меёбад.
Ба Агентӣ дар шаш моҳи соли равон 1500 шаҳрванд барои кор дар хориҷи кишвар  муроҷиат намуданд, ки  танҳо 28 нафари онҳоро  тавонистем  бо кор таъмин намоем. Суоле ба миён меояд, ки чаро ин қадар миқдори кам?
Мутаассифона, имрӯз буҳрони иқтисодӣ дар кишварҳои қабулкунандаи муҳоҷирони меҳнатӣ   боиси аз фаъолият мондани баъзе ширкатҳо гардида, фаъолияти  корхонаҳоро мушкил гардонидааст, ки  ба фаъолияти мо низ бе таъсир намондааст.
Ба ғайр аз ин талаботи корфармо пеш аз ҳама ба сатҳи тахассусӣ ҷавобгӯ будани муҳоҷирони меҳнатӣ мебошад. Мутаассифона, сатҳи тахассусии муроҷиаткунандагони мо  ба талаботи корфармоҳо ҷавобгӯ нест. Баъзан ҳатто онҳое, ки диплом ё шаҳодатномаи ин ё он касбу ҳунарро  доранд, дар   амал  худро  ҳамчун мутахассиси ҳамон соҳа  муаррифӣ карда   наметавонанд.  Вақте ки корфармо дархост мекунаду мо корҷӯёнро омода месозем, худашон тариқи барномаҳои интернетӣ бо онҳо ҳамсуҳбат шуда, муҳоҷирони меҳнатиро интихоб мекунанд.
Корҷӯёне, ки мо ба таври муташаккилона ва расмӣ сафарбар менамоем, дар асоси шартномаи тарафайн  ба фаъолият шурӯъ менамоянд. Онҳо метавонанд, ки  баъди ба охир расидани муҳлати шартнома, онро  тамдид намоянд. Мо корҷӯро сафарбар менамоему аз ҳолатҳои будубош дар давлатҳои қабулкунанда ахборот медиҳем.
Мутаассифона, шаҳрвандоне низ ҳастанд, ки созишномаҳоро вайрон ва шартномаро пеш аз муҳлат қатъ намуда,  бармегарданд. Онҳо   ин амалашонро  асосан дар    кам будани музди маошашон шарҳ медиҳанд.
Вақте муҳоҷирони меҳнатӣ шартномаро дағалона вайрон мекунанд, корфармоён ба Агентӣ эътироз мекунанд. Дар ин сурат ба ҷои он муҳоҷирони меҳнатӣ дигар муҳоҷирон сафарбар карда мешаванд.
Мо дар муассиса махзани маълумот таъсис дода,  талаботи   бозори меҳнатии  ин давлатҳоро  омӯхта, ҳангоми  тавсия ба шаҳрвандон аз он истифода мебарем, яъне барои   дар курсҳои кутоҳмуддати назди Вазорат аз худ намудани кадоме аз онҳо кумаки методӣ мерасонем.
Шаҳрвандонеро, ки ба мо муроҷиат мекунанд, ба категорияҳо ҷудо мекунем. Вақте аз тарафи корфармо дархост мешавад, мо ҳатман тибқи махзани маълумот корҷӯёнро ба муҳоҷирати меҳнатӣ тайёр менамоем. Пеш аз сафар ба ҳамаи муҳоҷирон  донистани забон, малакаи корӣ, риоя кардани қонунҳои давлатҳои қабулкунандаро  фаҳмонида, роҳнамоӣ менамоем.
Дархости охирини корфармоён далели он аст, ки вазъи буҳронии кишварҳои қабулкунандаи муҳоҷирони меҳнатӣ рӯ ба беҳбудӣ овардаааст ва  мо минбаъд    метавонем, ки муроҷиати бештари шаҳрвандонро қонеъ гардонем.
Дар корхонаи мо  тамоми шароитҳо барои шаҳрвандон фароҳам оварда шудааст. Мутахассисони муассиса  кӯшиш ба харҷ дода истодаанд, ки хубтару беҳтар ба корҷӯён хизмат расонида,  ба онҳо машваратҳои ҳуқуқию корӣ  диҳанд.

Июль 18, 2016 18:00

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд