Ҳиммати саховатмандони Зайнабобод

Шаҳраки Сомониён. 05.07.16. /АМИТ «Ховар»/. Дирӯз ба 200 оилаи ниёзмандон аз деҳаҳои Комсомол ва Файзобаи ҷамоати деҳоти Зайнабободи ноҳияи Рӯдакӣ кӯмаки саховатмандон расонида шуд.
Тавре ба АМИТ «Ховар» раиси ҷамоати Зайнабобод Содиқ Юсупов хабар дод, кӯмакҳо аз орд, биринҷ, равған ва қанд иборат буда, дар маҳаллаҳои мазкур дастраси сокинон, ки рӯзҳои 12-14 майи соли равон аз офати табиӣ зарар дида буданд, расонида шуд.
Мақомоти иҷроияи ҳокимияти давлатии ноҳияи Рӯдакӣ ҷиҳати ташкил ва дастраси оилаҳои ниёзманд гардонидани кӯмакҳо ва эҳсонкориҳои соҳибкорон ва шахсони саховатпеша, ки аз дастуру супоришҳои Пешвои миллат сарчашма мегирад, саҳми арзанда мегузорад.