Лахш: 200 нафар хонандагон дар лагерҳои наздимактабӣ истироҳати бофароғат мекунанд

Лахш, 1.07.2016 /АМИТ «Ховар»/. Мақомоти иҷроияи ҳокимияти давлатии ноҳияи Лахш дар асоси дастуру супоришҳои Ҳукумати Ҷумҳурии Тоҷикистон оид ба тарбияи дурусти наврасон ва муҳайё намудан барои истироҳати бофароғати хонандагони фаъол аз ҳисоби буҷети маҳаллӣ 30 ҳазор сомонӣ барои 200 нафар маблағгузорӣ кардааст, ки ин хонандагон дар назди 4 муассисаи таълимӣ аз 1 июли соли равон ба истироҳату машғулиятҳои тобистона фаро гирифта мешаванд. Тибқи иттилои масъулини маорифи ноҳия хонандагон аз оилаҳои камбизоат, ятимон, ва хонандагони фаъол ба лагерҳои наздимактабӣ ҷалб карда шуда, онҳо бо ду вақт хӯроки гарм ва шароити мусоид таъмин карда мешаванд.