Муҳоҷирони меҳнатӣ баъди бозгашт ба Тоҷикистон бо нафақа таъмин хоҳанд шуд
Душанбе, 18.07.2016. /АМИТ «Ховар»/. Интизор меравад, ки дар оянда муҳоҷирони меҳнатии тоҷик баъди бозгашт аз Русия ба ватан бо нафақаи меҳнатӣ таъмин карда хоҳанд шуд.
Назокат Одиназода, муовини якуми директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 18 июл дар ҷамъи хабарнигорон гуфт, ки аз ҷониби Агентии суғуртаи иҷтимоӣ ва нафақаи назди Ҳукумати ҷумҳурӣ дар мувофиқа бо дигар мақомоти марбутаи кишвар Созишнома таҳия карда шудааст. Санади мазкур аз ҷониби Ҳукумати Ҷумҳурии Тоҷикистон ба Федератсияи Русия пешниҳод гардида, алҳол он мавриди баррасии мақомоти салоҳиятдори ин кишвар қарор дорад.
Дар сурати ба тасвиб расидани Созишномаи мазкур аз ҷониби Русия ва дар асоси қонунгузориҳои ҳар ду кишвар шаҳрвандони Тоҷикистон, ки дар қаламрави Русия кор мекунанд, баъди бозгаштан ба Тоҷикистон бо нафақа таъмин карда мешаванд.
Назокат Одиназода таъкид кард, ки дар ин масъала бо мақомоти салоҳиятдори Русия чандин мулоқот баргузор гардидааст.
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
