Муовини якуми раиси Иттифоқи нависандагон Ато Мирхоҷа: «Беҳтарин адибони ҷавон барои узвият ба Иттифоқи нависандагон пешниҳод мегарданд»
Душанбе, 18.06.2016. /АМИТ «Ховар»/. Дар шаҳри Ваҳдат 25-27 июли соли равон Машварати ҷумҳуриявии адибони ҷавони шаҳру навоҳии тобеи ҷумҳурӣ ва шаҳри Душанбе баргузор мегардад. Дар машварати мазкур эҷодкорони ҷавон аз ноҳияҳои Турсундода, Шаҳринав, Ҳисор, Варзоб, Рӯдакӣ, Ваҳдат, ноҳияҳои минтақаи Рашт ва шаҳри Душанбе иштирок намуда, адибони шинохта бо эҷодиёти онҳо аз наздик шинос мешаванд ва ба онҳо дар масоили эҷод, сабку усули он, дарёфти мавзӯъ, эҳсоси гардишҳои нав дар зиндагӣ, дарки завқи хонандаи муосир ва дигар масъалаҳои ба он марбут тавсияҳои муфид хоҳанд дод.
Хотиррасон менамоем, ки Иттифоқи нависандагони Тоҷикистон ҷиҳати фароҳам овардани шароити мусоид барои вусъати нерӯи эҷодӣ, дарёфти истеъдодҳои ҷавон моҳҳои июн-августи соли равон Машварати ҷумҳуриявии адибони ҷавонро дар шаҳру ноҳияҳои ҷумҳурӣ роҳандозӣ менамояд. Машварати мазкур дар 5 сол 1 маротиба гузаронида шуда, дар он адибони ҷавон (синни аз 17 то 35- сола) иштирок менамоянд.
Тавре Ато Мирхоҷа, муовини якуми раиси Иттифоқи нависандагони Тоҷикистон дар суҳбат ба хабарнигори АМИТ «Ховар» зикр намуд, бо дастгирии Мақомоти иҷроияи ҳокимияти давлатии вилояти Суғд даври дуюми Машварати ҷумҳуриявии адибони ҷавон 12 августи соли равон дар шаҳри Хуҷанд баргузор гардида, натиҷаҳои он ҷамъбаст ва беҳтарин адибони ҷавон барои узвият ба Иттифоқи нависандагони Тоҷикистон пешниҳод мегарданд.
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
