«Опел-Вектра» ронандаи мототсиклро пахш намуд

 Душанбе, 21.07.2016. /АМИТ «Ховар»/. 20 июли соли равон, тахминан соати 19:20 дақиқа ронандаи мошини тамғаи «Опел-Вектра», марди 22-солаи сокини шаҳри Истиқлол ҳангоми ҳаракат дар ҳудуди маҳаллаи Тахмоқи шаҳри мазкур, бехатарии ҳаракат дар роҳро таъмин карда натавонист.
Ронандаи «Опел-Вектра» ба самти муқобили роҳ баромада,  ба мототсикли тамғаи «ИЖ-П-3» таҳти идораи ронанда, марди 41-солаи сокини шаҳри Истиқлол  бархӯрдааст, ки дар натиҷа ронандаи мототсикл ҷароҳати вазнини ҷисмонӣ бардошта, дар беморхона ба ҳалокат расидааст.