Рӯзҳои наздик эҳтимоли паст шудани гармии ҳаво дар назар аст

Душанбе, 12.07.16. /АМИТ «Ховар»/. Рӯзҳои наздик ҳавошиносон дар миқёси ҷумҳурӣ эҳтимоли паст шудани гармии ҳаворо пешгӯӣ менамоянд.
Бинобар иттилои Агентии обуҳавошиносии Тоҷикистон, аз 14 то 16 июл дар  тамоми ноҳияҳои Тоҷикистон ҳарорати ҳаво 7- 8 дараҷа поён рафта, эҳтимоли боридани борони кӯтоҳмуддат ва раъду барқ дар назар аст. Ҳавои нисбатан салқин ду рӯз идома ёфта, шурӯъ аз 16 июл ҳаво рӯ ба гармшавӣ меорад.
14-15 июл дар вилояти Хатлон ҳарорати ҳаво дар водиҳо шабона ба 21-26, рӯзона ба 30-37 дараҷа хоҳад расид.
Дар вилояти Суғд ҳаво шабона 18-23, рӯзона 31-36 дараҷа гарм мешавад.
Дар Душанбе  ҳавои тағйирёбандаи камбориш дар назар аст, ҳарорат шабона 16-18, рӯзона 32-34 дараҷа гарм мешавад.
Дар ноҳияҳои тобеи марказ  ҳавои тағйирёбандаи бебориш дар назар дошта шудааст. Ҳаво  шабона 16-21 дараҷа, рӯзона 30-35 дараҷа гарм мешавад.
Дар Вилояти Мухтори Кӯҳистони Бадахшон, ҳаво дар ғарби вилоят шабона 13-18, рӯзона 25-30,  дар шарқи ин вилоят шабона  5-10, рӯзона 14-19 дараҷа гармиро ташкил хоҳад дод.