Роҳбарони сохторҳои туристии Иттиҳод дар Бишкек Стратегияи рушди туризмро баррасӣ менамоянд
Душанбе, 07.07.2016 / АМИТ «Ховар»/. Имрӯз дар пойтахти Қирғизистон шаҳри Бишкек ҷаласаи Шӯро оид ба туризми кишварҳои Иттиҳоди Давлатҳои Мустақил оғоз гардид.
Интизор меравад, ки дар ҷаласа масъалаҳои вобаста ба рушди соҳаи туризм ва такмили сиёсати давлатӣ дар бахши туризми кишварҳои ИДМ дар шароити нави иқтисодӣ баррасӣ гарданд.
Иштирокдорони ҷаласа ҳамзамон ҷараёни иҷрои нақша-чорабиниҳоро барои солҳои 2015-2017 дар доираи татбиқи Стратегияи рушди ҳамкории кишварҳои ИДМ дар соҳаи туризм то соли 2020 ва таҳияи лоиҳаи нақша-чорабиниҳоро барои солҳои 2018-2020-ро муҳокима менамоянд. Инчунин дар ҷаласа масъалаҳои вобаста ба татбиқи таҷриба ва рушди агроэкотуризм дар Беларус ва рушди туризми дохилӣ дар Русия матраҳ мегарданд.
Бояд тазаккур дод, ки Ҷумҳурии Тоҷикистонро дар ин ҷаласа раиси Кумитаи ҷавонон, варзиш ва сайёҳии назди Ҳукумати ҷумҳурӣ Абдуллозода Аҳтам Рустам намояндагӣ менамояд.
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
