Сели азим дар Рашту Ашт ба роҳу пулҳо осеб расонд
Душанбе, 29.07.2016. /АМИТ «Ховар»/. Бар асари резиши борони шадид ва сели азим, ки баъд аз зуҳри рӯзи панҷшанбе, 28 июл ба амал омад, пули деҳаи Қалъанаки Ялдумичи ноҳияи Рашт ва қисмате аз заминҳои кишт зери об монданд.
Дар ин бора ба АМИТ «Ховар» аз маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ хабар доданд.
Ба иттилои хадамоти наҷотдиҳии Кумитаи ҳолатҳои фавқулоддаи назди Ҳукумати Ҷумҳурии Тоҷикистон, сел ба километраҳои 16-25-30-юми роҳи Ҳойит-Назарайлоқи ин ноҳия низ хисорот ворид намудааст.
Худи ҳамон рӯз дар натиҷаи борони селосо дар ҷамоатҳои деҳоти Даҳансой ва Панғози ноҳияи Ашти вилояти Суғд низ ҳудуди 10-15 километр роҳ зери об монда, қисман ду хонаи истиқоматӣ, 5 мошин ва як чойхона зарар дидаанд.
Маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ хабар медиҳад, ки хушбахтона, дар ин офатҳои табиӣ талафоти ҷонӣ ба қайд гирифта нашудааст.
Дар айни замон дар маҳалҳои офатзада комиссияҳои маҳаллӣ барои бартарафсозии оқибатҳои он ба кор шурӯъ кардаанд.
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд
Сарвари давлат Эмомалӣ Раҳмон ҷаласаи Шурои амният баргузор намуданд
Президенти Ҷумҳурии Тоҷикистон Эмомалӣ Раҳмон аз сафирони нави якчанд давлат эътимоднома қабул намуданд
