Табибон зиёд шудани бемории дарунравиро ба истеъмоли маҳсулоти кишоварзии вайроншуда рабт медиҳанд

Июль 30, 2016 10:03

Кӯлоб, 30.07.2016. /АМИТ «Ховар»/. Ҳамарӯза дар бозору марказҳои савдои шаҳру ноҳияи Кӯлоб даҳҳо тонна маҳсулоти ширию гӯштӣ ва меваю сабзавот ба фурӯш бароварда мешавад. Мутахассисон бар он назаранд, ки гармшавии ҳаво ва зери офтобу ҷойҳои номувофиқ гузоштани маҳсулот ба вайроншавии онҳо оварда мерасонад ва барои саломатии инсон хатарнок мегарданд.
Мутаассифона, дар соли равон чанд ҳодисаи заҳролудшавӣ аз истеъмоли тарбузу харбуза ва дигар намуди маҳсулоти кишоварзӣ ба қайд гирифта шудааст. Табибон зиёд шудани бемории дарунравиро низ ба истеъмоли маҳсулоти кишоварзии вайроншуда рабт медиҳанд. Аз ин рӯ, ҳамарӯза дар бозору марказҳои савдо кормандони соҳаҳои масъул сифати маҳсулоти маводи хӯрокаро аз назар мегузаронанд.
Дар бозори марказии «Саховат»-и шаҳри Кӯлоб ба ин масъала аҳамияти ҷиддӣ зоҳир мегардад. Кормандони таҳлилгоҳи дохили бозор ҳама намуди маҳсулотро бо асбоби махсус ташхис намуда, сипас, ба фурӯши он иҷозат медиҳанд.
Ба қавли  мутахассисон,  оғози моҳи август аз сабаби хом чидани тарбузу харбуза ва як қатор мевагиҳо нитрати онҳо зиёд мебошад, ки ба саломатии инсон зарар мерасонад. Аз моҳи август бошад, нитрати ҳама гуна маҳсулоти кишоварзӣ дараҷаи муайяни худро мегирад. Ҳамасола то охири моҳи июл назорати сифати маҳсулоти кишоварзӣ пурзӯр карда мешавад.

Июль 30, 2016 10:03

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид