Тими мунтахаби наврасони Тоҷикистон барои фатҳи Ҷоми Президенти Қазоқистон меравад

Душанбе, 19.07.2016 /АМИТ «Ховар»/. Тими мунтахаби наврасони Тоҷикистон, ки навакак бо медалҳои нуқраи мусобиқаи байналмилалии «Роҳи абрешим-Хуашан-2016» аз Ҷумҳурии Халқии Чин баргашт, дар рақобатҳои Ҷоми президенти Қазоқистон ширкат меварзад.
Мусобиқа 7 -13 август бо ҳузури 8 даста: Ҷумҳурии Исломии Эрон, Русия, Озорбойҷон, Қирғизистон, Албания, Тоҷикистон ва ду даста аз Қазоқистон барпо хоҳад шуд.
Ҷоми президенти Қазоқистон соли 9-ум гузаронида шуда, маблағи ҷоизавиаш 20 000 долларро ташкил мекунад. Ба ғолиб Ҷоми мусобиқа ва 10 000, ба соҳиби мақоми дуюм 6 000 ва барандаи ҷои сеюм 4 000 доллар тақдим мешавад. Ин мусобиқа пештар дар шаҳрҳои  Остона ва Алмати (Алма-Ато) гузаронида шудаанд.