Тоҷикистону Чин бо ҷинояткорӣ якҷоя мубориза мебаранд

Июль 8, 2016 13:57

Душанбе, 08.07.16. /АМИТ «Ховар»/. Масъалаҳои ба роҳ мондани ҳамкориҳо миёни Академияи Вазорати корҳои дохилии Тоҷикистон ва Донишгоҳи политсияи ҷиноятии Хитойи Вазорати бехатарии ҷамъиятии Ҷумҳурии Халқии Хитой вобаста ба омодакунии кадрҳо дар самти мубориза бо ҷинояткорӣ, мубодилаи таҷрибаи корӣ миёни омӯзгорони мактабҳои олии зикргардида дирӯз дар вохӯрии муовини Вазири корҳои дохилӣ Икром Умарзода бо ҳайати Донишгоҳи политсияи ҷиноятии Хитой мавриди барраси қарор гирифт.
Тавре сомонаи расмии ВКД хабар медиҳад, чорабинии мазкур  дар доираи санадҳои баимзорасида байни Тоҷикистону Чин доир гардида, дар вохурӣ ҷонибҳо изҳори омодагӣ намуданд, ки ҳамкориҳои дуҷониба дар мубориза бо ҷинояткорӣ боз ҳам рушд хоҳанд ёфт.
Зикр гардид, ки сарварони кишварҳои мо барои рушди ҳамкории мутақобилан судманд ва дӯстии миёни мардуми он таваҷҷуҳи хоса доранд. Зимни вохӯриҳои судманди Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвари Ҷумҳурии Халқии Хитой Си Тсзинпин як қатор созишномаҳои муҳим оид ба ҳамкорӣ ба имзо расонида шудаанд, ки натиҷаи онро дар рушди савдо ва иқтисодиёт, кӯшишҳои якҷоя дар муқобилиятсозӣ ба ҷиноятҳои байналмилалӣ, аз қабили терроризм, экстремизм, сепаратизм ва дигар ҷиноятҳои вазнин мебинем.
Саҳми Ҷумҳурии Халқии Хитой дар самти омодакунии кадрҳои самти мубориза бо гардиши ғайриқонунии маводи нашъадор ва ҷиноятҳои муташаккилона назаррас мебошад.
Муовини декани факултети мубориза бо гардиши ғайриқонунии маводи нашъадори Донишгоҳи политсияи ҷиноятии Хитойи Вазорати бехатарии ҷамъиятии Ҷумҳурии Халқии Хитой  Гуан Чунфей гуфт ки омода аст, барои омодакунии кадрҳо ва мубодилаи таҷриба миёни кормандони мақомотҳои ҳифзи ҳуқуқи ду кишвар ва ҳайати омӯзгорони мактабҳои олии ду кишвар саҳми худро гузоранд. Дар Донишгоҳи политсияи ҷиноятии Хитой 755 омӯзгори касбӣ ва дигар кормандон, 93 профессор ва 138 досент фаъолият намуда, мутахассисонро дар соҳаҳои криминалистика ва экспертизаи судӣ, дигар бахшҳои ҳуқуқ омода месозад.

Июль 8, 2016 13:57

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд