Ҷамъоварии мева нисбат ба ҳамин давраи соли гузашта аз 90 ҳазор тонна зиёд аст
Душанбе, 22.08.2016 /АМИТ «Ховар»/. Тавре аз Вазорати кишоварзии Ҷумҳурии Тоҷикистон ба АМИТ «Ховар» хабар доданд, то 18 августи соли равон кишоварзони ҷумҳурӣ 115 ҳазору 393 тонна мева ҷамъоварӣ намуданд. Ҳосили ҷамъоваригардидаи мева нисбат ба ҳамин давраи соли гузашта 90 ҳазору 350 тонна зиёд мебошад.
Ҳамчунин, дар ҷумҳурӣ ҷамъоварии ҳосили ангур бо маром идома дошта ҳоло, кишоварзон 6233 тонна ангур ҷамъоварӣ намудаанд, ки ин нисбат ба ҳамин давраи соли гузашта 2025 тонна зиёд мебошад.
То имрӯз ҷамъоварии мева дар вилояти Хатлон 26 ҳазору 622 тонна, вилояти Суғд 85 060 тонна, ВМКБ 317 тонна ва ноҳияҳои тобеи ҷумҳурӣ 3394 тоннаро ташкил медиҳад.
Ҷамъоварии ангур дар ноҳияи Турсунзода хуб ба роҳ монда шуда, кишоварзони ноҳия то имрӯз ба миқдори 683 тонна ангур ҷамъоварӣ намудаанд, ки ин нишондоди беҳтарин дар байни истеҳсолкунандагони ангур мебошад.
НИШАСТИ МАТБУОТӢ. Соли 2025 ҳама намуди андозу даромадҳо дар шаҳри Роғун 125,7 фоиз иҷро шуд
Соли 2025 ба беш аз 77 ҳазор шаҳрванди хориҷӣ раводид дода шуд
Имрӯз дар баъзе ноҳияҳои Тоҷикистон туман мефарояд
9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
