Ба ифтихори 25-солагии Истиқлолияти Тоҷикистон дар шаҳри Санкт-Петербург мусобиқа оид ба гӯштингирӣ баргузор гардид
Душанбе, 23.08.2016. /АМИТ «Ховар»/. Бо ташаббуси Намояндагии Вазорати меҳнат, муҳоҷират ва шуғли аҳолии ҶТ дар Русия ҳамроҳ бо созмонҳои иҷтимоии зодагони Тоҷикистон дар вилояти Ленинград ва Санкт-Петербург, 21-уми август дар шаҳри Санкт-Петербург мусобиқа оид ба варзиши миллӣ- гӯштингирӣ баргузор гардид.
Бино ба иттилои котиби матбуоти намояндагӣ Иброҳим Аҳмадов, мусобиқа дар доираи чорабиниҳо бахшида ба 25-солагии Истиқлолияти давлатии Тоҷикистон баргузор гардида, дар он наздики 5000 ҳамватанони мо ширкат варзиданд.
Иброҳим Аҳмадов илова намуд: «Дар мусобиқа беш аз 50 варзишгар аз минтақаҳои гуногуни Русия иштирок намуданд. Бино ба иттилои ташкилкунандагон фонди ҷоизавии мусобиқа 900 ҳазор рублро ташкил додааст. Ҳамчунин ғолибон бо дипломҳои фахрии созмонҳои иҷтимоӣ бахшида ба 25-солагии Истиқлолияти давлатии Ҷумҳурии Тоҷикистон сарфароз гардиданд.
Дар охири чорабинӣ, тибқи анъана дастархони идона ороста шуд ва меҳмонону иштирокчиёнро бо палави тоҷикӣ зиёфат доданд».
Чунин чорабиниҳо ба ифтихори Истиқлолияти Тоҷикистон дар минтақаҳои дигари Русия низ гузаронида мешаванд.
Ба истироҳатгоҳи «Ҳамсафар» зиёда аз 300 кӯдак ҷалб мешавад
Пагоҳ дар якчанд вазорату идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ. Амнияту субот омили асосии рушди устувори давлатҳо ва зиндагии шоистаи инсоният ба ҳисоб меравад
Имрӯз дар шаҳри Душанбе ҳаво то 37 дараҷа гарм мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
