Дар Файзобод семинари омӯзишӣ-ҳуқуқӣ доир гардид

Файзобод, 12.08.2016. /АМИТ «Ховар»/. 11 — 12 августи соли равон дар  Қасри фарҳанги ноҳияи Файзобод бо иштироки адвокатҳои Иттифоқи адвокатҳои Ҷумҳурии Тоҷикистон ва зиёда аз 40 нафар кормандони соҳаҳои гуногуни ноҳия дар мавзӯъҳои «Зӯроварӣ дар оила», «Ҳуқуқҳои дастгиршудагон», «Баробарии ҷинсӣ-гендерӣ», «Муқовимат ба савдои одамон ва расонидани кумак» ба қурбониёни савдои одамон» семинари омӯзишӣ баргузор гардид.
Семинар бо ташаббуси Иттифоқи адвокатҳои Ҷумҳурии Тоҷикистон бо мақсади расонидани ёрии ҳуқуқии ройгон ба шаҳрвандони ҷумҳурӣ ташкил гардидааст.
Узви Иттифоқи адвокатҳои Ҷумҳурии Тоҷикистон Бахтиёр Маҳмадиев иброз дошт, ки тибқи талаботи моддаи 92 Конститутсияи Ҷумҳурии Тоҷикистон, ёрии ҳуқуқӣ дар тамоми марҳилаҳои тафтишотӣ мурофиаҳои судӣ кафолат дода мешавад, аз ин рӯ мақсади баргузории чунин семинарҳо баланд бардоштани дониши ҳуқуқии шаҳрвандон, пешгири зуроварӣ дар оила ва баробарҳуқуқии зану мард дар назди қонун ё ин ки баланд бардоштани мақоми зан дар ҷомеа мебошад.