Дар Остона аввалин ҷаласаи ШҲМ СҲШ таҳти раёсати Ҷумҳурии Қазоқистон ба кори худ шурӯъ кард
Душанбе, 23.08.2016. /АМИТ «Ховар»/. Имрӯз, 23 августи соли 2016 дар шаҳри Остона таҳти раёсати ҳамоҳангсози миллӣ аз Ҷумҳурии Қазоқистон оид ба фаъолияти СҲШ А.Ж. Абишев ҷаласаи Шӯрои ҳамоҳангсозони миллии (ШҲМ) давлатҳои аъзои Созмони ҳамкории Шанхай ба кори худ шурӯъ кард. Дар ин бора ба АМИТ «Ховар» аз Котиботи СҲШ иттилоъ доданд.
Ба рӯзномаи ҷаласа, ки то 25-уми август давом хоҳад кард, беш аз 20 масъалаи марбут ба такмили нақшаи фаъолияти СҲШ дар соли 2017 ва гузаронидани чорабиниҳои Созмон дар доираи раёсати Ҷумҳурии Қазоқистон дар СҲШ, дар солҳои 2016-2017дохил гардиданд.
Таваҷҷуҳи асосии ШҲМ ба ҷараёни омодагӣ ба ҷаласаи Шӯрои сарони ҳукуматҳо (сарвазирон), машварати вазирони илм ва техника, вазирони масъули фаъолияти иқтисодӣ ва савдои хориҷӣ, ҳамчунин мулоқоти вазирони молия ва раисони бонкҳои марказии (миллии) давлатҳои аъзои СҲШ, ки нимсолаи дуюми соли 2016 дар Ҷумҳурии Қирғизистон ба нақша гирифта шудааст, дода мешавад.
Дар баробари ин роҳҳои амалӣ гардонидани нақшаи чорабиниҳо оид ба татбиқи «Стратегияи рушди СҲШ то соли 2025» ва масоили мубрами вобаста ба дурнамои густариши Созмон, аз ҷумла татбиқи расмиёти дохилидавлатии зарурӣ барои эътибор пайдо намудани меморандумҳо оид ба уҳдадориҳои Ҳиндустон ва Покистон ба хотири ба даст овардани мақоми давлатҳои аъзои СҲШ мавриди баррасӣ қарор мегирад.
ШҲМ — яке аз муҳимтарин мақомоти СҲШ аст, ки ҳамоҳангсозии фаъолияти ҷории Созмонро амалӣ намуда, ҳамкории мутақобилаи вазорату идораҳои дахлдори давлатҳои аъзои СҲШ-ро таъмин менамояд.
Ҷумҳурии Қазоқистон ба раёсати СҲШ моҳи июни соли 2016 оғоз кардааст.
Дар шаҳри Норак фестивали «Сад ранги чакан» ҷамъбаст гардид
Имрӯз дар шаҳри Душанбе ҳаво то 18 дараҷа гарм мешавад
Дар шаҳри Кӯлоб машқҳо ва амалиёти низомӣ доир шуданд
Академияи миллии илмҳои Тоҷикистон дар таҳкими Артиши миллии Тоҷикистон тавассути омодасозии мутахассисон саҳм мегузорад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
