Дар Тоҷикистон бори нахуст Кинофестивали байналмилалии филмҳои кӯтоҳ- «НАВСОЗ» баргузор мегардад
Душанбе, 17.08.2016 /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон бори нахуст дар шаҳри Душанбе Кинофестивали байналмилалии филмҳои кӯтоҳ бо номи «НАВСОЗ» гузаронида мешавад.
Тавре ки Муҳибназар Холназаров, директори Ташкилоти ҷамъиятии «НАВСОЗ» ба мухбири АМИТ «Ховар» иттилоъ дод, кинофестивали мазкур аз 16-ум то 20 сентябри соли равон баргузор хоҳад гашт.
Инчунин М. Холназаров зикр намуд, ки ба 1-умин Кинофестивали байналмилалии филмҳои кӯтоҳ «НАВСОЗ» зиёда аз 60 филм пешниҳод шуд, вале аз ин шумора танҳо 27 филм иштирокчии он гардиданд.
М. Холназаров ҳамчунин зикр намуд, ки дар Кинофестивал намояндаҳо аз Афғонистон, Беларус, Қазоқистон, Қирғизистон, Узбекистон, Эрон ва Русия иштирок намуда, филмҳои худро пешкаш менамоянд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
