ДМИТ: Бо қаҳрамони олимпӣ мефахрем!
Душанбе, 24.08.2016. /АМИТ «Ховар»/. Ҳайати профессорону устодон, кормандон ва донишҷӯёни Донишкадаи молия ва иқтисоди Тоҷикистон Қаҳрамони олимпӣ Дилшод Назаровро бо гирифтани медали тиллоии Бозиҳои олимпии тобистона дар Рио-де-Жанейрои Бразилия табрик гуфта, барояш дар фаъолияти минбаъдаи касбӣ бурдбориҳои беназир орзуманданд. Ҳамчунин тамоми мардуми шарифи Тоҷикистонро бо чунин дастоварди бузурги фарзанди фарзонааш Дилшод Назаров муборакбод мегӯянд.
Дар зарфи 25 соли соҳибистиқлолӣ Ҷумҳурии Тоҷикистон дар тамоми соҳаҳо ба пешравиҳои назаррас ноил гардида, дар соҳаҳои иқтисодиёт, иҷтимоиёт, сиёсат, фарҳанг ва варзиш ин комёбиҳо бештар гашта истодаанд. Варзишгарони тоҷик дар мусобиқаҳои сатҳҳои гуногун иштирок карда, ҷойҳои намоёнро ишғол мекунанд ва обрӯи Тоҷикистонро дар арсаи ҷаҳонӣ баланд мебардоранд. Аз ҷумла, соҳаи варзиш дар тӯли солҳои соҳибистиқлолӣ бо ташаббус ва дастгирии бевоситаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушд карда, шумораи зиёди варзишгарони болаёқату боистеъдод ба майдони варзиш ворид гардида истодаанд ва аз дастоварди навбатӣ тамоми мардуми тоҷик хурсандӣ мекунанд. Рӯзҳои охир тамоми шаҳрвандон якдигарро таҳният мегӯянд ва ин комёбӣ барои ҳама пиру барно, хурду калон боиси ифтихор гардидааст.
Дилшод Назаров гурзро ба масофаи 78,68 м. партофта, соҳиби ҷои аввал ва медали тиллоӣ гашт ва парчами Тоҷикистон парафшон шуду миллатҳои ҷаҳон ба Қаҳрамони олимпии тоҷик аҳсан гуфтанд.
Бояд зикр кард, ки ин аввалин медали тиллои Бозиҳои олимпӣ дар таърихи варзиши тоҷик аст. Ин рӯз дар таърихи халқи тоҷик бо ҳарфҳои тиллоӣ сабт хоҳад шуд. Ҷаҳонпаҳлавони тоҷик-Дилшод Назаров бо ин қаҳрамонии худ шаъну шараф ва обрӯи Тоҷикистонро дар ҷаҳон баланд бардошт. Боиси хурсандӣ ва ифтихор аст, ки бевосита Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қаҳрамони олимпӣ Дилшод Назаровро тавассути телефон табрик намуд.
Ба қавли худи Дилшод Назаров, маҳз сулҳу субот ва фазои орому амният дар Тоҷикистон имкон дод, ки ӯ ба чунин натиҷа ноил гардад. Натиҷаи сиёсати хирадмандона ва дурандешонаи Пешвои миллат аст, ки варзишгарони тоҷик ба чунин дастовардҳо ноил мегарданд.
Муборак бозуи болои Дилшод,
Муборак парчами болои Дилшод.
Барои миллати маҳбуби тоҷик,
Муборак медали тиллои Дилшод.
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
