Хуҷанд: Ғолибони озмуни шаҳрии «Нони гарми меҳнатиро дида мемолам ба чашм», «Қанноди беҳтарин» ва «Оши палав» муайян шуданд

Душанбе, 22.08.2016. /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон дар чойхонаи «Нури Аҷам»-и маркази вилояти Суғд озмуни шаҳрии «Нони гарми меҳнатиро дида мемолам ба чашм», «Қанноди беҳтарин» ва «Оши палав» баргузор гардид.
Дар озмун 10 нафар палавпазон, 6 нафар қаннодон ва 8 нафар нонвойҳо маҳсули дастранҷи хешро пешниҳоди аъзои  ҳакамон гардониданд.
Баъд аз баргузории озмун  дар бахши палавпазӣ ошпазҳои чойхонаи «Сирдарё», дар бахши қаннодӣ коргоҳи қаннодии «Афсона» ва дар бахши нонпазӣ нонпазони нонвойхонаи «Панҷшанбе» ғолиб омаданд.
Ба ғолибон диплому сипоснома ва туҳфаҳои хотиравии мақомоти иҷроияи ҳокимияти давлатии шаҳри Хуҷанд супорида шуданд.