Модари гурзандози тоҷик: «Дилшод танҳо инро гуфт: Мо тавонистем!»
Душанбе, 20.08.2016 /АМИТ «Ховар»/. Cубҳи имрӯз роҳбарияти Кумитаи ҷавонон, варзиш ва сайёҳӣ ба табрики модари Дилшод Назаров, ғолиби Бозиҳои тобистонаи олимпӣ — 2016 рафтанд.
Зимни суҳбат Зайтуна Назарова, модари гурзандози тоҷик барои дастгирӣ дар рушди тарбияи ҷисмонию варзиш ва варзишгарон ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипос намуда, таъкид дошт, ки маҳз бо дастгирии Пешвои миллат фарзандаш Дилшод Назаров ғолиби Бозиҳои олимпӣ гардид.
Ҳамзамон модари Дилшод Назаров изҳор дошт, ки субҳи имрӯз зимни суҳбати телефонӣ Дилшод танҳо бо як ибора эҳсосоти худро баён намуд: «Мо тавонистем!»
Воқеан ҳам фарзандони миллати тоҷик неруву қудрати бузург дошта, муаррифгару парчамбардори Тоҷикистони соҳибистиқлол дар арсаи байналмилалӣ мебошанд.
Дилшод Назаров, гурзандози маъруфи тоҷик дар даври финалӣ соҳиби медали тиллои мусобиқаи гурзандозии Бозиҳои тобистонаи олимпӣ-2016 дар Рио-де-Жанейрои Бразилия гардид.
Ёдовар мешавем, ки дар даври ниҳоии мусобиқаи гурзандозӣ, ки шоми 19 август бо вақти маҳаллии кишвари Бразилия доир шуд, гурзандози тоҷик Дилшод Назаров бо нишондоди 78,68 метр медали тилло, Иван Тихон аз Ҷумҳурии Беларус бо нишондоди 77.79 метр медали нуқра ва Войтсех Новитский аз Ҷумҳурии Лаҳистон бо нишондоди 77.73 метр медали биринҷиро ба даст оварданд.
Илму маориф ва рушди сармояи инсонӣ — дар меҳвари Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳаво тағйирёбандаи бебориш мешавад
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
