Муҳоҷират: қарзи музди меҳнати муҳоҷирони тоҷик ба маблағи 1 миллиону 550 ҳазор рубл пардохт гардид
Душанбе, 17.08.2016 /АМИТ «Ховар»/. Бо мусоидати Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсяи Русия қарзи музди меҳнати муҳоҷирони тоҷик, ки аъзои як бригадаи сохтмонӣ ҳастанд, ба маблағи 1 миллиону 550 ҳазор рубл пардохт гардид.
Сафарбек Юнусов, сокини ноҳияи Восеи вилояти Хатлон аз номи 24 нафар коргарон, ки дар ин бригадаи сохтмонӣ кор мекунанд, ба Намояндагӣ барои мусоидаташон дар пардохти қарзи музди меҳнати онҳо муроҷиат намуд.
Номбурда дар аризааш зикр намудааст, ки тайи 2 сол дар Ширкати сохтмони роҳҳои шаҳри Красногорски вилояти Маскав фаъолият доранд. Ширкати мазкур ба таъмиру сохтмони роҳҳо, кӯпрукҳо ва дигар иншооти коммуналӣ машғул буда, то моҳи феврали соли равон музди маоши онҳоро сари вақт ва бенуқсон пардохт намудааст. Шурӯъ аз моҳи феврал то июни соли равон ширкати мазкур бо сабабҳои номаълум музди маоши онҳоро, ки маблағи зиёда аз 1 миллион рублро ташкил медиҳад, пардохт накардааст.
Баъди муроҷиати расмии Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия дар асоси талаботи Кодекси меҳнати Федератсияи Русия маъмурияти Ширкати сохтмони роҳҳои шаҳри Красногорск сабаби сари вақт напардохтани музди меҳнати муҳоҷиронро мушкилоти молӣ арзёбӣ намуда, онро пурра пардохт намуданд.
Ҳамин тариқ, дар давоми ҳафта бо мусоидати Намояндагӣ қарзи музди меҳнати муҳоҷири дигари тоҷик Тахмина Хайруллоева, сокини шаҳри Турсунзода, ки дар яке аз ширкатҳои шаҳри Маскав кор мекард, ба маблағи 65 ҳазор рубл пардохт гардид.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
