Муҳоҷирони меҳнатӣ дар Русия бо кор таъмин мешаванд
Душанбе, 19.08.2016 /АМИТ «Ховар»/. Субъекти хоҷагидори ҶС «Иттиҳодияи автовокзалҳо» дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар давоми ду ҳафтаи моҳи август 7 гурӯҳи муҳоҷирони меҳнатиро ба Федератсияи Русия сафарбар намуд.
Бино ба иттилои масъулини субъекти хоҷагидор, 164 нафар муҳоҷирони меҳнатӣ, ки асосан сокинони шаҳру ноҳияҳои вилояти Суғд мебошанд, ба Русия фиристода шуданд. Муҳлати муҳоҷирати меҳнатии онҳо 1 сол пешбинӣ шудааст.
Шаҳрҳои қабулкунандаи муҳоҷирон асосан Новосибирск, Екатеринбург, Красноярск, Тюмен, Нефтюганск ва Сургут мебошанд.
Инчунин 11 августи соли равон ҶДММ «Мирзо ва К» боз 48 нафар сокинони ноҳияи Спитаменро дар Федератсияи Русия бо ҷои кор таъмин кард.
Чуноне ки сардори гурӯҳ Муродҷон Рустамов иттилоъ дод, ин муҳоҷирони меҳнатӣ асосан дар соҳаи кишоварзӣ кор мекунанд ва муҳлати амали шартномаи бастаашон 11 моҳ мебошад.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
