Мусобиқаи ҷумҳуриявӣ оид ба вазнбардорӣ ва дзюдо бахшида ба 25-солагии Истиқлолият
Душанбе, 08.08.2016. /АМИТ «Ховар»/. Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон 5-7 август дар Осоишгоҳи «Қаратоғ»-и ноҳияи Шаҳринав бахшида ба 25-солагии Истиқлолияти давлатии Ҷумҳурии Тоҷикистон мусобиқаи ҷумҳуриявӣ оид ба вазнбардорӣ ва дзюдо байни варзишгарони имконияташон маҳдуд баргузор гардид.
Тавре мудири бахши таҳлилу иттилоотии Кумитаи ҷавонон, варзиш ва сайёҳӣ Зубайдулло Маҳмадуллоев ба АМИТ «Ховар» хабар дод, дар ин мусобиқа зиёда аз 80 нафар маъюбон аз дастаҳои Суғду Хатлон, шаҳру ноҳияҳои тобеи ҷумҳурӣ ва шаҳри Душанбе иштирок намуданд.
Мусобиқаи мазкур дар доираи нақшаи тақвими ягонаи чорабиниҳои оммавӣ, варзишӣ, солимгардонӣ ва иштироки варзишгарон дар мусобиқаҳои байналмилалӣ барои соли 2016 доир шуд.
Варзишгарон тӯли ду рӯз барои ба даст овардани ҷойҳои ифтихорӣ байни худ рақобат намуданд, ки дар натиҷа дар ҳайати даставӣ варзишгарони дастаи шаҳру ноҳияҳои тобеи ҷумҳурӣ ҷойи аввал, дастаи варзишгарони шаҳри Душанбе -2 ҷойи дуюм ва дастаи варзишгарони вилояти Суғд ҷойи сеюмро сазовор гардиданд.
Дар фарҷом аз ҷониби Кумитаи ҷавонон, варзиш ва сайёҳӣ ба ғолибон медал ва дипломҳо тақдим карда шуданд.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
