Озмуни вилоятӣ барои «Оши палав» дар Қурғонтеппа

Қурғонтеппа, 23.08.2016 /АМИТ «Ховар»/. Дар маркази маъмурии вилояти Хатлон- шаҳри Қурғонтеппа озмуни вилоятии «Оши палави Хатлон-2016» баргузор мегардад.
Тавре ба АМИТ «Ховар» аз шуъбаи иттилоотӣ-таҳлилии мақомоти иҷроияи ҳокимияти давлатии вилояти Хатлон иттилоъ доданд, озмуни мазкур 25 августи соли равон баргузор гардида, дар доираи он озмуни «Ошпаз ва пешхизмат бо оростани дастархони беҳтарин» баргузор мегардад.
Ба ошпази беҳтарин барои ҷои аввал-2000 сомонӣ, ҷои дуюм- 1500 сомонӣ ва ҷои сеюм- 1000 сомонӣ дода мешавад.
Барои ғолиби озмуни вилоятии «Пешхизмат бо оростани дастархони беҳтарин» се мукофот ҷои якум 1500 сомонӣ, дуюм — 1000 сомонӣ ва сеюм- 500 сомонӣ муайян карда шудааст.