РБДА ВКД: «Аз 19 август то 8 сентябр ҳаракати воситаҳои нақлиёт дар марказ маҳдуд мешавад»
Душанбе, 19.08.2016 /АМИТ «Ховар»/. Раёсати Бозрасии давлатии автомобилии ВКД Ҷумҳурии Тоҷикистон ба диққати шаҳрвандон мерасонад, ки бинобар сабаби омодагиҳо ба таҷлили 25-солагии Истиқлолияти давлатии Ҷумҳурии Тоҷикистон ва тайёрӣ ба гузашти низомӣ аз 19 август то 8 сентябри соли равон ҳаракати воситаҳои нақлиёт аз соати 18:00 то 22:00 дар хиёбони Рӯдакӣ, аз буриши кӯчаи И. Сомонӣ-хиёбони Рӯдакӣ то чорроҳаи хиёбони Рӯдакӣ-кӯчаи Айнӣ, дар кӯчаи Шероз аз сероҳаи кӯчаҳои М. Турсунзода-Бухоро то чорроҳаи кӯчаҳои Бухоро-Шевченко, инчунин дар кӯчаҳои Ф. Ниёзӣ, Ш. Шотемур, Ш. Руставели ва Теҳрони пойтахт маҳдуд карда мешавад.
Ба ин хотир, аз тамоми ронандаҳои воситаҳои нақлиёт хоҳиш карда мешавад, ки реҷаи зикргардидаро риоя намуда, аз роҳҳои ҳамшафат истифода баранд.
Дар ин бора аз РБДА ВКД Ҷумҳурии Тоҷикистон ба АМИТ «Ховар» хабар доданд.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
