Рўзи кормандони соҳаи ангишт муборак!
Душанбе, 27.08.2016. /АМИТ “Ховар”/. Пагоҳ, 28 август Рӯзи ангиштканон аст. Ҳамасола якшанбеи охири моҳи август Иди касбии “Рўзи кормандони соҳаи ангишт” ҷашн гирифта мешавад.
Тайи солҳои охир соҳаи саноати ангишт барои баромадани кишвар аз буҳрони энергетикӣ, дар самти бо ангишт таъмин намудани аҳолӣ, ташкилоту муассисаҳо ва беш аз 200 корхонаҳои саноатии аз истифодаи гази табиӣ ба ангишт гузаронидашуда кори зиёдеро ба анҷом расонданд. Дар давраи Истиқлолияти давлатии Ҷумҳурии Тоҷикистон, ҷиҳати иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корхонаҳои соҳа дар як муҳлати нисбатан кўтоҳ истихроҷи ангиштро аз 17 ҳазор ба беш аз 1 млн. тонна расонда, ба рушди тамоми соҳаҳои иқтисодиёти миллӣ ва аз ҳама муҳим ба кам кардани вобастагии Тоҷикистон аз маводи сўхт (гази табиӣ)-и воридотӣ мусоидат намуданд. Айни замон соҳаи ангишт бо дигар соҳаҳои иқтисодиёти ҷумҳурӣ алоқамандии зич дошта, дар рушди иқтисодиёти миллӣ нақши муҳим дорад.
Соли равон низ барои дар сатҳи баланд таҷлил намудани 25-умин солгарди Истиқлолияти давлатии Ҷумҳурии Тоҷикистон, кормандони соҳа тамоили афзун намудани истеҳсолро идома бахшида, мақсад доранд талаботи тамоми соҳаҳои иҷтимоию иқтисодии кишварро бо ангишт таъмин намоянд. Аз аввали сол то имрўз корхонаҳои соҳа истихроҷи ангиштро ба зиёда аз 770 ҳазор тонна расониданд, ки нисбат ба ҳамин давраи соли сипаригардида 254 ҳазор тонна зиёд аст.
Ҳамаи ин комёбиҳо ба шарофати сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастгирии ҳамарўзаи Ҳукумати Ҷумҳурии Тоҷикистон ва меҳнати фидокоронаву шабонарўзии кормандони соҳа ба даст омадааст.
Аз фурсат истифода бурда, роҳбарияти Вазорати саноат ва технологияҳои нави Ҷумҳурии Тоҷикистон ҳамаи кормандони соҳаи ангиштро бо Иди касбӣ табрику муборакбод гуфта ба онҳо саломатӣ, барори кор, хушии рўзгор, саодату иқболи нек ва дар амалӣ гардидани мақсаду мароме, ки баҳри ободӣ, рушду нумўи кишвари азизамон доранд, комёбиҳои беназирро орзу менамояд.
АМИТ “Ховар” тамоми кормандони соҳаи саноати ангиштро бо иди касбиашон табрик менамояд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
