Варзишгари тоҷик Хуршед Маҷидов дар шаҳри Иркутск медали тилло ба даст овард
Душанбе, 24.08.2016./АМИТ «Ховар»/. Паҳлавони шинохтаи тоҷик Хуршед Маҷидов дар мусобиқаи дзюдо барои Ҷоми мири шаҳри Иркутск дар миёни ҷавонони соли таваллудашон 1997-1999 дар вазни +100 кило бар ҳамаи ҳарифони худ пирӯз шуда, соҳиби медали тилло гашт.
Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.
Паҳлавони тоҷик дар ин мусобиқа ҳарифони худ аз Русия, Муғулистон, Ҷопон ва дар даври ниҳоӣ варзишгари Қазоқистонро дар 10 сония мағлуб кард.
Хотиррасон менамоем, ки дар мусобиқаи мазкур 321 варзишгар аз 27 кишвари дунё ширкат варзиданд. Бояд зикр кард, ки дар баробари Хуршед Маҷидов, дар ин муосибиқа бародараш Ҷаҳонгир Маҷидов миёни наврасони соли таваллудашон 2000 дар вазни 81 кило дар даври аввал ҳарифаш аз Қазоқистонро шикаст дод ва дар даври дуввум аз паҳлавони ҷопонӣ мағлуб шуд.
Ёдовар мешавем, ки дар ин вазн паҳлавони дигари тоҷик Ёқубҷон Назиров, ки аз номи Русия баромад мекард, мақоми 3-юмро ба даст овард.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
