Агентии обуҳавошиносии Тоҷикистон рӯзҳои наздик ҳавои мӯътадилро пешгӯӣ менамояд

Душанбе, 13.09.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои наздик  дар ҷумҳурӣ ҳавои софи беборишро пешгӯӣ менамоянд.
Тавре  ба АМИТ «Ховар» аз агентии  мазкур хабар доданд, то 18 сентябр  дар минтақаи ҷануби Тоҷикистон ҳавои софи бебориш дар назар дошта шуда, ҳарорати ҳаво ба 37 дараҷа хоҳад расид.
Дар вилояти Суғд низ ҳавои камабри бебориш дар назар дошта шуда, эҳтимоли вазидани шамоли шиддатнок пешгӯӣ мешавад. Ҳарорати ҳаво дар водиҳо ба 37 дараҷа хоҳад расид.
Дар шарқи Вилояти Мухтори Кӯҳистони Бадахшон  боридани барфу борони кӯтоҳмуддат ва раъду барқ дар назар аст. Ҳарорат дар ғарб рӯзона 25-30, дар шарқ  рӯзона 13-18 дараҷаро ташкил хоҳад дод.
Дар Душанбе  ҳавои тағйирёбандаи бебориш  дар назар буда, ҳаво 33- 37 дараҷа гарм мешавад.
Дар ноҳияҳои тобеи марказ — ҳавои тағйирёбанда, дар баъзе ноҳияҳои кӯҳӣ боридани борони кӯтоҳмуддат дар назар дошта шудааст. Ҳаво  рӯзона то 37 дараҷа гарм мешавад.