Барномаи Nile TV дар бораи ҷашни Истиқлоли Тоҷикистон
Душанбе, 29.09.2016. /АМИТ«Ховар»/. Шабакаи моҳворавии телевизиони Миср Nile TV 23 сентябри соли равон барномаи махсусро дар бораи маросими таҷлили 25-умин солгарди Истиқлолияти давлатии Ҷумҳурии Тоҷикистон дар Қоҳира, ки онро Сафорати кишвари мо қаблан баргузор намуда буд, ба намоиш гузошт. Сабти навори мазкурро метавон дар Youtube(https://youtu.be/TWhrgRbXEfY) тамошо кард.
Барнома дар бораи ҷашни Рӯзи Истиқлолияти давлатии Тоҷикистон дар Қоҳира, дастовардҳои кишвари мо дар арсаҳои гуногун ва таъриху фарҳанги мардуми тоҷик ҳикоят мекунад. Яке аз ширкаткунандагони мисрии барнома — устоди Донишгоҳи Асют доктор Саъд Абдулғаффор ҳангоми мусоҳиба бо барандаи барнома, бо истинод ба китоби Президенти Ҷумҳурии Тоҷикистон Эмомалӣ Раҳмон «Тоҷикон дар оинаи таърих» таъкид намуд, ки тоҷикон таърихи куҳан дошта, дар ғанисозии тамаддуни инсонӣ ва исломӣ саҳми бузург гузоштаанд ва ба ҷаҳон донишмандону шоирони барҷастаро эҳдо кардаанд. Ӯ афзуд, ки китоби арзишманди «Тоҷикон дар оинаи таърих» қаблан ба забони арабӣ тарҷума ва дар Қоҳира дар чаҳор ҷилд ба нашр расидааст.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
