«Дар давоми 25 сол Тоҷикистон аз тамоми имтиҳонҳои сангин гузашт» — бардошт аз ҷамъомади тантанавӣ
Душанбе, 6.09.2016 /АМИТ «Ховар»/. Дирӯз дар Хадамоти муҳоҷирати Вазорати меҳнат, муҳоҷират ва шуғли аҳолии ҶТ бахшида ба 25-умин солгарди Истиқлолияти давлатии Ҷумҳурии Тоҷикистон ҷамъомади тантанавӣ баргузор гардид. Сардори Хадамоти муҳоҷират Тоҳир Каримзода ҳозиринро бо ин ҷашни фархунда табрик гуфта, арз намуд, ки «25-сол дар назди таърих муддати кам аст. Аммо мардуми тоҷик дар давоми ин муддат тавонист мустақилият, озодӣ ва ватани худро ҳифз кунад. Мардуми тоҷик тавонист давлати худро дар ин муддат созад ва бо тамоми кишварҳои олам равобити дипломатию баробар дошта бошад.
Дар давоми 25 сол Тоҷикистон аз тамоми имтиҳонҳои сангин гузашт. Ҷанги шаҳрвандӣ, рукуди иқтисодӣ, нооромиҳои сиёсӣ, вазъи бади иҷтимоӣ дар солҳои аввали истиқлолият сахттарин имтиҳонҳое буданд, ки тоҷикон онҳоро паси сар ва истиқлолияти худро ҳифз карданд». Шоири халқии Тоҷикистон Камол Насрулло дар ҷамъомад дар васфи Тоҷикистон, ватан ва истиқлолият шеърҳо қироат намуд.
Дар фарҷом як гурӯҳ кормандони фаъоли дастгоҳи марказӣ ва зерсохторҳои он бо «Ифтихорнома» ва «Раҳматнома»-и Хадамоти муҳоҷират сарфароз гардонида шуданд.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
