Дар деҳаи Кафтаргузар бунгоҳи тиббӣ барои зиёда аз 1000 нафар аҳолӣ ба истифода дода шуд
Нуробод, 07.09.2016. /АМИТ «Ховар»/. Дирӯз дар деҳаи Кафтаргузари ҷамоати деҳоти Хумдони ноҳияи Нуробод бо иштироки муовини вазири рушди иқтисод ва савдои Ҷумҳурии Тоҷикистон Умеди Давлатзод, раиси ноҳия, сокинони ҷамоат ва намояндагони хазинаи Оғохон бинои бунгоҳи тиббӣ барои зиёда аз 1000 нафар аҳолӣ ба истифода дода шуд.
Ба иттилои мудири бунгоҳ Мирзоалӣ Сафиев, муддати 25 сол онҳо бунгоҳи тиббӣ надоштанд ва хушбахтона, бо дастгирии бевоситаи Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин бинои замонавӣ ба истифода дода шуд. Бинои мазкур бо маблағи 344 ҳазор сомонӣ аз ҳисоби хазинаи Оғохон сохта ва бо маблағгузории 67 ҳазор сомонӣ таҷҳизонида шудааст.
Раиси ҷамоати Хумдони ноҳияи Нуробод Талбихоҷа Қамаров иброз намуд, ки дар фасли зимистон сокинони се деҳаи наздики бунгоҳи мазкур аз сабаби баландии барф барои барқарор намудани саломатияшон ба мушкилӣ гирифтор буданд.
Дар айни замон дар асоси сиёсати хирадмандонаи Пешвои миллат муҳтарам Эмомалӣ Раҳмон ин мушкилии сокинони деҳаҳо бартараф гардид.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
