Дар Лахш хонаи Аброр Шомуродов миёни 1911 хоҷагии ҷамоат сазовори ҷойи аввал гардид

Лахш, 05.09.2016. /АМИТ «Ховар»/. Дар даври ноҳиявии Мусобиқаи ҷумҳуриявии шаҳру ноҳияи беҳтарин, ҷамоат, маҳалла, оила ва хонаи намунавӣ дар ноҳияи Лахш хонаи Аброр Шомуродов сазовори ҷойи аввал гардид. Хонаи мазкур аз се ошёна иборат буда, дорои 9 ҳуҷра, меҳмонхонаю ошхона мебошад. Аброр Шомуродов мегӯяд, ки ӯ хонаашро аз ҳисоби меҳнати ҳалол ва маблағи картошкапарварию чорводорӣ давра ба давра сохтааст. Ӯ аз он хурсанд аст, ки мардуми шарифи Тоҷикистон дар атрофи сиёсати пешгирифтаи Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷамъ омада, ватани азизамонро обод намуда, дар фазои сулҳу ором фаъолият доранд.
Раиси ҷамоати деҳоти Ҷиргатол Маҳмадрасул Ҳалимов изҳор дошт, ки дар озмуни мазкур 1911 хоҷагии ҷамоат пурра иштирок намуданд. Бинобар самаранок истифода бурдани замини наздиҳавлигӣ, сабзазоркунию гулзоркунии пеши хона, ба ҳолати санитарӣ ҷавобгӯ будан ва бо тарҳи замонавӣ ороиш додан хонаи Аброр Шомуродов дар ҷамоат ва ноҳия созовори ҷойи аввал шуда, ба даври ҷумҳуриявӣ пешниҳод гардид.