Гармии ҳаво дар минтақаи ҷануб 1 дараҷа боло, дар ноҳияҳои шимоли кишвар 2-3 дараҷа поён хоҳад рафт

Душанбе, 17.09.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои наздик  дар ҷумҳурӣ ҳавои софи беборишро пешгӯӣ менамоянд.

Тавре  ба АМИТ «Ховар» аз агентии  мазкур хабар доданд, аз 17 то 21 сентябр  дар минтақаи ҷануби Тоҷикистон ҳавои софи бебориш дар назар дошта шудааст. Ҳарорати ҳаво  рӯзона 1 дараҷа боло рафта, ба 38 дараҷа хоҳад расид.

Дар вилояти Суғд низ ҳавои камабри бебориш дар назар дошта шудааст. Ҳарорати ҳаво дар водиҳо 2-3 дараҷа поён рафта,  ба 33 дараҷа  хоҳад расид.

Дар шарқи Вилояти Мухтори Кӯҳистони Бадахшон ҳаво шабона аз 2 дараҷа хунук то ба 3 дараҷа гармӣ расида, рӯзона 14-19 дараҷаро ташкил хоҳад дод. Дар ғарби вилоят  ҳаво шабона 9-14, рӯзона 26-31 гарм мешавад.

Дар Душанбе  ҳавои тағйирёбандаи бебориш  дар назар буда, ҳаво 31- 36 дараҷа гарм мешавад.

Дар ноҳияҳои тобеи марказ  ҳавои тағйирёбанда, дар баъзе ноҳияҳои кӯҳӣ боридани борони кӯтоҳмуддат дар назар дошта шудааст. Ҳаво  рӯзона то 36 дараҷа гарм мешавад.