Хазинаи махсуси Кумитаи байналмилалии Салиби Сурх ба варзишгарони маъюб кумак мерасонад
Душанбе, 21.09.2016 /АМИТ «Ховар»/. Имрӯз дар Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон вохӯрии роҳбарияти кумита бо Макс Денес, сардори Хазинаи махсуси Кумитаи байналмилалии Салиби Сурх барои маъюбон баргузор гардид.
Тавре аз маркази матбуоти Кумитаи ҷавонон, варзиш ва сайёҳӣ хабар доданд, дар мулоқот масъалаҳои расонидани кумак ба варзишгарони маъюб, таъмин намудани иштироки онҳо дар мусобиқаҳои варзишӣ ва фароҳам овардани шароити муносиб барои онҳо мавриди баррасӣ қарор гирифт.
Дар вохӯрӣ масъулини Кумита иброз намуданд, ки баҳри таъмин намудани иштироки васеи варзишгарони маъюб дар мусобиқаҳои варзишӣ тадбирҳои судманд андешида мешаванд ва ҳамасола дар сатҳи ҷумҳуриявӣ 4 — 5 маротиба байни ин қишри ҷомеа мусобиқаи варзишӣ доир мешавад. Соли равон 4 мусобиқаи ҷумҳуриявӣ доир шуда, баргузории як мусобиқаи дигар дар назар аст.
Ҳамчунин Макс Денес иброз намуд, ки вазифаи Фонди маъюбон- ин кумак расонидан ба варзишгарони маъюб мебошад ва он барои дарёфти манбаъҳои иловагии молӣ ва техникӣ мусоидат менамояд.
Дар мулоқот барои густариши робитаҳои ҳамкорӣ ва ҷалби бештари шахсони маъюб ба варзиш ва дигар самтҳои муҳими марбут ба ҳаёти маъюбон таклифу пешниҳодҳои судманд ироа шуданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
