Истифодаи навгониҳои соҳаи китобдорӣ тавассути технологияи муосири иттилоотӣ
Душанбе, 3.09.2016. /АМИТ «Ховар»/. Дирӯз бахшида ба Рӯзи китоб ва 25-солагии Истиқлолияти давлатии Ҷумҳурии Тоҷикистон дар Китобхонаи миллии Тоҷикистон таҳти унвони «Истифодаи навгониҳои соҳаи китобдорӣ тавассути технологияи муосири иттилоотӣ» семинари илмӣ-амалӣ баргузор гардид.
Директори Китобхонаи миллии Тоҷикистон, доктори илмҳои филология, профессор Сайфиддин Назарзода ҳамагонро бо ҷашни китоб ва 25-солагии Истиқлолияти давлатии Ҷумҳурии Тоҷикистон табрик намуд.
Сарбиблиографи китобхонаи ҷумҳуриявии илмӣ-тиббии Тоҷикистон Ҷурабой Раҷабов доир ба истифодаи технологияи иттилоотии муосир дар китобхонаҳои Ҷумҳурии мардумии Чин гуфт, ки имрўз пешрафти кори китобхонаҳои Чин аз истифодаи технологияи муосир мебошад.
Фирдавс Аминов, сардори шуъбаи илмӣ-таҳқиқотии Китобхонаи миллӣ доир ба навовариҳои Китобхонаи миллии Тоҷикистон, нақш ва мақоми технологияи замонавӣ дар пешбурди кори китобхонаҳо ҳарф зад.
Муовини сардори шуъбаи автоматикунонии раванди китобдорӣ-иттилоотӣ Якуб Бобохонов дар заминаи аҳамияти таъсиси китобхонаи электронӣ сухан гуфта, ба кормандон тарзи истифодаи дурусти онро амалан нишон дод.
Тавфиқ Баротов, муовини сардори шуъбаи илмӣ-таҳқиқотӣ доир ба вазъи ҳуҷҷатҳои электронӣ дар китобхонаҳои Ҷумҳурии Тоҷикистон изҳори назар кард.
Дар чорабинӣ олимону муҳаққиқони ҷавон ва хонандагони китобхона иштирок намуданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
