Клубҳои футболи Англия ба маблағи беш аз 1 миллиард фунт- стерлинг бозингар хариданд
Душанбе, 1.09.2016 / АМИТ «Ховар» /. Дар мавсими нави Премйер-лигаи Англия клубҳои футболи ин кишвар дар бозори тобистонаи хариди футболбозон, ки имрӯз пӯшида мешавад, беш аз 1 миллиард фунт-стерлинг (1,17 миллиард евро) сарф карданд.
Хабаргузории «SkySports» иттилоъ медиҳад, ки дирӯз баъди харидани бозингари КФ «Валенсия»-и Испания Шкодран Мустафи аз ҷониби КФ«Арсенал», маблағи умумӣ дар ин самт ба 1,021 миллиард фунт баробар шуд, ки ин рекорди нав мебошад. Соли гузашта дастовард 901 миллион фунт-стерлингро ташкил дода буд.
Ёдрас мешавем, ки футболбози аз ҳама қиматбаҳои имсола Пол Погба аз ҷониби КФ «Манчестер Юнайтед» ба маблағи 105 миллион евро харидорӣ шуд, ки ин нишондиҳанда дар таърихи футбол аз ҳама баландтарин аст.
Дар муқоиса бо ин, гузариши футболбози аз ҳама босуръати ҷаҳон Гарет Бейл ба «Реал» 101 миллион евроро ташкил медод.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
