Мукофотҳои давлатӣ ба кормандони соҳаи тиб
Душанбе, 8.09.2016 /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласаи тантанавӣ бо иштироки намояндагони Дастгоҳи иҷроияи Президенти Ҷумҳурии Тоҷикистон, роҳбарони дастгоҳи марказии вазорат ва сарварони муассисаҳои ҷумҳуриявии ташхисиву табобатӣ доир гардид.
Тавре ки аз Вазорати мазкур иттилоъ доданд, дар ҷамъомад вазири тандурустӣ ва ҳифзи иҷтимоии аҳолии Ҷумҳурии Тоҷикистон Нусратулло Салимзода аз дастовардҳои бузурги Истиқлолияти кишвар ва дастгириҳои ҳамешагии Асосогузори сулҳу ваҳдат, Пешвои миллат, муҳтарам Эмомалӣ Раҳмон ёдовар шуда, иброз дошт, ки «мо ҳамагон вазифадорем дар ивази ин ғамхориҳо якпорчагииТоҷикистони азиз ва Истиқлолияти кишварамонро ҳифз намоем ва барои шукуфоии бештари он ҳамаҷониба кӯшему меҳнат кунем».
Дар ҷамъомад муовини аввали раиси Дастгоҳи иҷроияи Президенти Ҷумҳурии Тоҷикистон Музаффар Ашуриён ҷамъомадагонро ба муносибати иди бузурги Истиқлолият аз номи Ҳукумати кишвар табрику таҳният гуфта, ба фаъолони соҳа мукофотҳои давлатӣ, аз ҷумла медали «Хизмати шоиста» ва унвони фахрии «Корманди шоистаи Тоҷикистон»-ро дар вазъияти тантанавӣ супорид.
Ҳамчунин чанд нафар донорҳои фаъол бо унвони «Донори фахрии Тоҷикистон» қадрдонӣ карда шуданд.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
